ЖЫЛЫ ЛЕБІЗ

Армысыздар. Құрметті Қостанай қаласының тұрғындары. Мен жыршы -термеші Алдамжарова Малика қыздарыңыз Қостанай қаласында Облыстық халық шығармашылық орталығының ұйымдастыруымен өткен “Арқада Наушабайдың Нұржаны өткен” атты республикалық жыр фестивалі жөнінде біржар сөз қозғағым келіп отыр.Осы уақытқа дейін үш мәрте республикалық деңгейде дәстүрлі ән- жыр бағыты бойынша байқау болып өткен.

Міне осы жылы фестиваль ретінде өткізілді. Өзімде 2021 жылғы байқау жеңімпазы ретінде арнайы қонақ болып қатыстым. Фестивалге елімізге танымал дәстүрлі ән-жыр мектептерінің өкілдері қатысты. Екі күндік бағдарламасымен біздің аяғымыз жерге тимеді. Алғашқы күн Нұржан атамыздың кесенесіне зиярат етумен басталды. Атамыздың атына берілген мектеп оқушыларымен кездесу де ұйымдастырылған екен ,осы ретте бұл мектептің ерекшелігімен бөліскім келіп отыр.Мектеп оқушылары кіргеннен жылы көзқарас сәлемдерімен күтіп тұр екен.Одан дайындаған бағдарламасын тамашаладық. Мектептің түгел демесемде жартысы атамыздың өлеңін жатқа біледі. Сол кісінің атында қосымша факультатив сабақ бар екен. Бұл дегеніміз мектептің аты берілген кісіге деген құрмет және оны таныту ,оның мұрасын насихаттау,ол кісінің жәй емес екендігін балаларға түсіндіру. Мені бұл жағдай қатты қуантты. Тағысын тағы атамызға арналған мектеп ішінде мұражайы да бар екен. Арнайы домбыра сыныбы тағы бар. Жалпы мектеп балаларын жан-жақты тәрбиелеп отырғанын бізге көрсетті. Үлгі алатындай мектеп .

Жетісу мектебінің өкілі,еліміздің мәдениет қайраткері Ерболат ағамыздың шеберлік сағаты болып өтті. Ағамыз шебер десе шеберғой. Берілген аз ғана уақыттың қалай өткенін білмей қалдық. Қатысушылармен практика жүзінде де сұқбат жүргізілді. Теориясы өз алдына. Нағыз шебер болудың қыр-сырымен бөлісіп, алға жетілуге қадам көрсете білді.

15 желтоқсан күні республикалық жыр фестивалі өтті. Жыр фестивалін Қостанай облысы әкімінің орынбасары Ринат Зікиұлы Мұхамбетқали алғы сөзімен,қатысушыларға сәттілік тілей отырып ашып берді. Және бұл жобаның келесі жылы Халықаралық деңгейде Астана қаласында өткізілуіне қолдау білдіретінін айта өтті. Қатысушылардың бірі атамыздың әнін орындаса ,бірі де өңір мақам-сазымен атамыздың орындаушылық үлгісімен жырларын орындады. Және өз өңірлерінің жырынан да төгілтті-ау. Тыңдаушы халық да қиқулап өз ілтипатын білдіріп жатты. Рухани демалыс сыйлаған кеш болды деп есептеймін. Фестиваль соңында қатысушылар арнайы диплом,статуэтка және екі жүз мың ақшалай сыйлықпен марапатталды. Және Қостанай облыстық мәдениет басқармасының арнайы ақ дастарханына шақырылды.

Дәстүрлі ән- жыр өнері кенжелеп қалған бұл өңірдің осындай жоғары деңгейде жоба ұйымдастырғаны бізді әрине қуандырды. Жалғасын таба берсін деген тілектемін.

Ұйымдастырушы тарап Облыстық халық шығармашылық орталығы басшысы Дамир Елтайұлына және орталық қызметкерлеріне арнайы Алғыс білдіре отырып орталыққа шығармашылық табыс тілеймін.

#ГидПоКазахстану