Бүгін қазақы қалжыңның хас шебері, «Қыр елінің Крыловы» атанған, сатирик, жазушы, этнограф, ғалым Сейіт Кенжеахметов атындағы «Мірдің оғы» республикалық әзіл-сықақ театрлар байқау-фестивалі Тобыл өңірінде бастау алды.
Қостанай облысы әкімдігінің мәдениет басқармасының қолдауымен Облыстық көркемөнерпаздардың халық шығармашылығы мен кинобейнеқор орталығының ұйымдастыруымен аталмаш шара облысымызда осымен төртінші мәрте өтіп отыр. Оған еліміздің 7 облысынан барлығы 12 ұжым қатысуда.
Бүгін Қостанай, Атырау, Жамбыл, Түркістан, Маңғыстау, Қызылорда, Павлодар облыстарынан келген сатира әзілкештері қызыл кілем үстімен жүріп өтіп, кештің шымылдығын түрді.
Әзіл-сықақ театрларының байқау-фестиваліне төрелік еткендер қатарында:
Қазақстанның еңбек сіңірген қайраткері, «ТТТ» театрының директоры, «Тамаша» ойын-сауық театрының белгілі актеры, кино актеры – Асылбек Боранбаев;
Жазушы-сатирик, Қазақстан Республикасының мәдениет қайраткері, «Екі езу» театрының көркемдік жетекшісі – Нұрлыбек Жұбатқан;
Қазақстан жазушылар одағының мүшесі, ақын - Абылай Маудан.
Белгілі ұстаз-ғалым, Ы.Алтынсарин атындағы медальдің иегері, «Жеті қазына» этнопедагогика бойынша бағдарлама авторы, «Әлем көшбасшысы» құрметті атағының иегері, Астана қаласының 59 мектеп-лицей директорының ғылыми-әдістемелік жұмыс бойынша орынбасары, Кенжеахметова Зәмзагүл Сейітқызы.
Сарыкөл аудандық мәдениет үйінің директоры, "Таған" театрының әртісі, Қостанай облысы меценаттар клубының "Шабыт" сыйлығының иегері Нұрлан Байшин.
Ертең фестивальдің екінші күні Қостанай ауданы, Тобыл қаласы, «Алтын дән» МҮ-өтеді.
Басталуы сағат: 11:00-де.
Dala_FestKPIАйтысАуыл_тынысыАхмет_Байтұрсынұлы_–_150_жылДеген_екенДомбыра күніЕлге_сәлемЖеңімпаздарЖыр_маржанКездесулер_мен_презентацияларКонцертМарапаттауМәдени_мұраСаясатСағындырған_әуендерТарих_жебесіТеатр_әлеміндеТобыл-Торғай_әуендеріШығармашылық_кешҚазақтың_дәстүрлі_1000_күйіҚұттықтаймыз!Ән_–_көңілдің_ажары
